FOTO/ Gruaja blen unazën 10 paund, por rezultoi një pasuri marramendëse

Lajme E Mërkurë, 26 Maj 2021 21:28

Një unazë e blerë 10 paund në dyqanin e sendeve të përdorura, rezultoi të ishte një pasuri e vërtetë. Pronarja e bleu unzën në vitin 1980 sepse mendoi se bëhej fjalë për një gur dekorativ, ndërsa në fakt doli një diamant 26 karat.

Ajo e mbante atë në dorë rregullisht dhe nuk e hiqte as kur bënte punët e përditshme. Këtë vit, gruaja vendosi të shkonte te një vlerësues për ta parë sa kushtonte.
Ekspertët u habitën kur panë që unaza kishte një diamant prej 26.27 karat dhe kishte formën e një jastëku. Vlera e tij shkonte nga 250-350 mijë paund shkruan The Guardian.

Unaza doli në ankand në Londër këtë të mërkurë dhe pas një lufte të ashpër ofertash, ajo kapi vlerën e 656, 670 paund. U shit 65.670 herë më i shtrenjtë nga çmimi që ishte blerë në dyqanin e sendeve të përdorura në vitin 1980.