Franca e Greqia, kombëtarja e femrave njeh kundërshtarë e “Euro 2017″

Kombëtarja Shqiptare e Futbolli të Femrave njohu kundërshtarët e saj, në përballjet e eliminatoreve të Europianit 2017. Shorti i hedhur në Nion të Zvicrës e vendosi Shqipërinë në Grupin 3, së bashku me Francën, Ukrainën, Rumaninë dhe Greqinë. Vajzat që drejtohen nga ish-lojtari kuqezi Altin Rraklli do të ndeshen për herë të parë më një skuadër shumë të fortë siç është Franca, që mban vendin e dytë në renditjen e përgjithshme të UEFA-s.  Eliminatoret e Europianit do të nisin më 14 shtator të këtij viti dhe do të përfundojnë më 20 Shtator të vitit 2016. Sfidat do të jenë me sistem vajtje-ardhje. Në bazë të rregullores, në fazën finale do të kualifikohen të parat e çdo grupi dhe gjashtë të dytat më të mira, ndërsa dy të dytat më të dobëta do të luajnë ndeshje “Play-Off”, për të plotësuar bashkë me Holandën, vendin organizator, edhe  16 ekipet finaliste.