Fshehtësia e Macron-it
Nga Novi Rosaj/Macron-i i shqiponjave të 2016-ës është si super Ferrari që ka vlerën e dyqindmijë eurove, por me goma të një marke njëzet eurosh… Avokatinë e këtij krahasimi e bën populli më thënien: “se nuk çalon gomari nga veshët”. Por, sot në kohen moderne përsosmëria mbresëlënëse e një shteti në kampionatin evropian arrihet vetëm kur e gjithë “paketa” së bashku paraqitet sa pozitivisht po aq edhe e kohës. Në evropianin e 2016-ës gëzimi dhe entuziazmi jo vetem që u ngjethi mishin por edhe i bashkoi 10 milionë shqiptarë si asnjë herë tjetër që nga viti 1912. E me shumë të drejtë se bijtë e vendit të shqiponjave u treguan teknikë në loje, të guximshëm të kulturuar e me disiplinën perëndimore të të madhit arkitekt Gianni De Biasi duke arritur me punë dhe shumë vullnet të na renditin për herë të parë në elitën e futbollit Europian. Që në ditën kur himni shqiptar u këndua për herë të parë në Euro 2016-ën e që fati i solli kundër dy vëllezërit, u krijua simpati e lartë për lojtaret tanë dhe tifozat e zjarrtë Kuq e Zi jo vetëm nga bashkëkombasit por edhe nga shumë europianë.
Si për inat FSHF si shpërblim u stamposi ne gjokset e tyre një emër “Macron” që të vinte zor kur i shihje yjet e futbollit shqiptar të vetmit në europian me uniformat e një marke të konsumit masiv. Është e vërtetë se Macron-i i Italisë më emër francez dhe më qendër në Cresoellano (BO) është ndër më të mëdhatë në Eurpoë për prodhimin e veshjeve sportive, por në përgjithësi prodhon veshje sportive për stërvitje në dhomat e fitnesit dhe për ekipet amatore.
“Macron”- i pëveç SSC Napoli, SS Lazio, Bolonia dhe disa ekipe në voleboll e basketboll në Itali nuk ka ndonjë njohje ndërkombëtare pa le më të mendosh për evropian a botëror. Këtu është për t’u theksuar se Italia për vete kishte veshur ekipin e saj me “Puma” e jo “Macron”! Madje ndër 24 shtetet pjesëmarrëse në Europianin e 2016-es, 20 prej tyre ishin veshur më tre markat e njohura botërisht tashmë jo vetëm në sport. Konkretisht 9 shtete me “Adidas”: Gjermani, Spanjë, Rusi, Belgjikë, Suedi, Uells, Hungari, Ukrainë dhe Irlanda e Veriut. 6 shtete ishin veshur me “Nike”: Francë, Angli, Poloni, Kroaci, Portugali, Turqi si dhe 5 shtete me “Puma”: Itali, Zvicer, Slovaki, Çeki, Austri. Kurse Irlanda me “UMBRO” firmë që u themelua më 1920 në Uilsmlou (Ëilmsloë ) të Anglisë dhe që prej 1924 mban ende këtë emër edhe pse që nga 2007 është blerë nga firma amerikane “Nike”, pra “UMBRO” vjen nga e njëjta shtëpi me “Nike” dhe që ka kontrata me disa dhjetëra ekipe të kategorisë së parë dhe të dytë në Evropë e më larg. “Joma” që veshi kundërshtarët tanë të tretë rumun është në më të njohurat në botë për prodhime bombastike të këpucëve për futboll. Kemi edhe Islandën më 300 mijë banorë që u vesh nga “Errea” që së shumti kontratat i ka edhe kjo ashtu si “Macron” me basketbollin dhe volejbollin, por e vetmja firmë e njohur për të gjitha prodhimet vetëm eco.
T’i kthehemi “Macron-it” të shqiponjave që për fat të keq ose më saktë, fat të shkruar nga ne, thuajse as një shqiponjë nuk ka ngelë e gjallë në trojet tona dhe më këtë rast dua të them na rrofshin duar që i kryqëzojme “në ajër” se për kujdesjen dhe shtimin e shqiponjave që bëjnë simbolin më identifikues të shqiptarit deri më sot nuk ka ndërmarrë as edhe një projekt… Kurse kush dëshiron bluza “Macron” mund të kërkojë në Internet dhe i gjen me më pak se 5 € që përkon me konsumin e përditshëm. Po vetë lojtarët e kombëtares tonë a mendoni se kanë pasur kështu marke ndonjëherë në gardorobën e tyre? Edhe 10 milionë bashkekombas nuk mendoj se do të preferonin një dhuratë “Macron” përpara “Adidas”, “Nike” apo “Puma”. “Merita” macroniane në arenën shqiptare u propogandua qëllimshëm vetëm nga zgjedhësit “dashamirës” e më argumentin prej piktori se na paskan paraqitur figurën e shqiponjës duke theksuar ngjyrën në ngjyrë në bluzën kombëtare. Të kapërdish kështu sallate edhe pse perkon me “stinën” do të thote të jesh i marrë dhe naiv… Në Euro 2016-ën ngjyra në ngjyrë me përforcim në të errët apo të hapur është e modës, kjo shihet thuajse në shumicën e bluzave të kombetarëve pjesëmarëse. “Adidas”, “Nike” dhe “Puma” këtë stil të ngjyrës në ngjyrë e kishin publikor më kohë si “trend” i vitit, pra para “macron”-it. Sipas meje “Macron”-i vetëm e kopjoi nga të tjerët stilin e ngjyrës në ngjyrë duke e përshtatur për bluzat e kombëtares dhe simboli më normal që mund të zgjidhej ishte shqiponja, ku sipas meje nuk është ndenje zbulim se thuajse çdo ditë shqiptarët shofin dhjetra herë simbolin e tyre kombëtar ku tashmë është absolutisht e papranueshme mungesa në bluzat e kombetarës. Por ka edhe një pjesë shqiptarësh që nuk shohin përtej hundës dhe që thonë se “macron”-i bëri bluza të mira për kombetarën dhe çfarë kanë të tjerat më shumë se “macron”?! Ne e dimë se edhe “Fiat Panda” është makin e mirë dhe e sigurt për njerëzit por kryeministrat dhe ministrat (pra edhe ketu elita) udhëtojnë me makina të një klasi tjetër, jo me “Panda”… Tani pyetja që lind është: Kush janë keta specialistë apo vendimmarrës që vendosën për paraqitjen e parë të kombëtares tonë në Europian e që për veten e tyre, pra privatisht, as nuk do ju shkonte mendja të blinin bluza “Macron”. ?
Kurse për të “nderuar” kombetaren dhe gjithë kombin pa pikë turpi bëjnë kontrat me tekstilen “macron” të klubeve amatore e që beri një bluzë shumë të thjesht më të kuqe të shpëlarë që dukej sikur kishin vite që e mbanin veshur? Pa diskutim që ketu ka një ligj por duhet ta zbatojë dikush.
Përveç firmes së “macron”-it që i keni berë mirë dhe reklame mos harroni se keni shfrytezuar dhe lenduar 10 milion shqiptarë me këtë zgjedhje vulgare dhe pa pikë krenarie. Me arritjen në këtë konkluzion mua më shkon mendja se mund të ndodhte vetëm për arsye fitimi personale të njerit apo disa individve. E jo se “pushtuesi prej një dekade” i FSHF nuk e njeh aktualitetin e markave që janë në “trend”! Unë e kuptoj së për këtë evropian është i vonuar ky mendim ashtu sikundër e dija se deri tani nuk ishte “klima” e pranueshme por shpresoj se do të ndikoj për bluzat e ardhshme po qe se “Macron”-i nuk ka marrë liçensë 50 vjeçare!
