Gati godina e Bankës së Shqipërisë, rinovimi kushtoi 15.8 mln euro

Ka përfunduar në Tiranë rinovimi dhe zgjerimi i selisë së Bankës së Shqipërisë, punimet e së cilës janë kryer nga kompania “Acmar” me qendër në Ravenë, me vlerën prej 15.8 milionë euro. Punimet dhe përfundimi i tyre me sukses u paraqitën edhe në kopertinën e revistës së Shoqatës së Inxhinierëve dhe Arkitektëve të Provincës së Bolonjës, me projekt të Inxhinierit të njohur italian Petreschi dhe ku paraqitej teknologjia e përdorur. Pas  përfundimit të godinës së Bankës së Shqipërisë, kompania ka kaluar Adriatikun, dhe mbërri  në L'Aquila, ku gjashtë vjet pas tërmetit që dëmtoi rëndë qendrën e kryeqytetit të Abruzzo, ka filluar rindërtimin e qytetit. Bëhet fjalë për realizimin e rrjetit të nëndheshëm, për një shumë totale prej 30 milionë euro. Acmar premton se do të performojë me përdorimin e teknologjive moderne dhe novatore. Në të njëjtin qytet, Acmar  është e angazhuar në ndërtimin e 187 njësive të banimit në “Pettino”, për një shumë prej 44 milionë eurosh.