Gati platforma telefonike, ministri i Brendshëm: Ja ku t’i raportoni rastet e shit-blerjes së votës

Lajme E Shtunë, 29 Maj 2021 23:15

Për zgjedhjet parlamentare të 25 qershorit, garantimi i votës të lirë të qytetarëve është një ndër prioritetet e forcave politike. Kjo ishte edhe njëra nga pikat e marrëveshjes Rama-Basha të 18 majit, si dhe një nga kërkesat kryesore gjatë protestës së opozitës.

Në kuadër të kësaj, ministri teknik i Punëve të Brendshme, Dritan Demiraj, ka miratuar ngritjen e një platforme telefonike 24-orëshe (069 413 7777), për raportimin e rasteve të shit-blerjes së votës.

Po kështu, ministri Demiraj fton qytetarët që të denoncojnë edhe rastet e përfshirjes së punonjësve të Policisë në mbështetje të subjekteve elektorale, si dhe për të gjithë krimet e tjera elektorale.

Platforma parashikon edhe denoncimin e rasteve të shitblerjes së votës duke përdorur aplikacionet “whatsapp” dhe “viber” për materiale foto dhe video.