Gepardi sulmon kujdestarin e tij në sy të turistëve

Një kujdestar është sulmuar nga një gepard në parkun Tenikwa Wildlife Awareness, Afrikë e Jugut.

Kujdestari ndodhej brenda kafazit të rrethuar me tela dhe ndërsa jashtë kishte turistë të cilët u tmerruan nga ngjarja.

Në ndihmë të tij ka ardhur një tjetër kujdestar i cili u përpoq që të ndalonte gepardin.

Ata nuk kishin marrë asnjë masë paraprake dhe mënyra e vetme për tu vetëmbrojtur ishin duart.

Kur gjendja është qetësuar gepardi i ka sulmuar përsëri.

Për fat të mirë asnjëri nga kujdestarët nuk u lëndua dhe situata u vendos nën kontroll.

Nuk është e qartë se çfarë ka ndodhur para sulmit por me siguri diçka duhet ta ketë mërzitur atë.