Gjërat që duhet të bëjë një 30 vjeçare

Jeta është e ndarë në etapa, ndaj është e rëndësishme që në çdo njërën prej tyre të bëni gjënë e duhur. Të tridhjetat janë koha ideale për familjen, karrierën, miqtë dhe kursimet. Mosha 30 vjeçare është ajo që ju jep mundësi që ju të përshtateni me të renë dhe të mësoni zakone pozitive. Disa këshilla që duhet të dini për këtë janë:
Filloni të qeshni me veten
Nëse jeni në gjendje të kuptoni humorin e sfidave tuaja të përditshme, kjo ju ndihmon me përmirësimin e shëndetit dhe lumturinë. Kërkimet thonë se njerëzit që mund të vënë në lojë veten janë zakonisht më të qeshur. 

Vlerësoni familjen dhe miqtë tuaj
Në moshën 20-vjeçare mund të jeni shumë të zënë duke u edukuar dhe duke filluar një karrierë, aq sa i lini miqtë dhe familjen në një cep të jetës suaj. Në moshën 30-vjeçare keni krijuar një bazë të mirë për jetën dhe mund t'i ktheheni vlerësimit për familjen, t'iu kushtoni kohë miqve dhe t'i bëni të ndihen të përqafuar nga ju.
Filloni të mbani një ditar
Mbani shënime të shkruara, të cilat do t'ju argëtojnë dhe do t’ju kujtojnë se si ishte e shkuara disa vite më pas. Nuk ka nevojë të mbani një bllok sekret shënimesh nën shtrat, një album dixhital fotosh me citimet për çdo ngjarje bën të njëjtë gjë.

Filloni të kujdeseni për shëndetin
Shëndeti duhet të jetë prioriteti juaj në moshën 30-vjeçare. Kujdesuni sa më shumë që çdo gjë të jetë në rregull me shëndetin dhe ruani peshën në mënyrë të ekuilibruar, e cila ju bën të ndiheni mirë me veten.

Filloni të kurseni para
Një nga zakonet fiskale më të rëndësishme që duhet të filloni ta praktikoni kur jeni te të tridhjetat është që të shpenzoni më pak nga sa fitoni. Trajtojeni paranë në rini siç do të donit t’ju trajtonte ajo në pleqëri, ndaj për këtë arsye, kurseni sa të mundeni.

Shkoni pas një qëllimi të madh
Deri në fillim të moshës 30-vjeçare mund të keni ëndërruar vetëm rreth krijimit të një familjeje, blerjes së një shtëpie apo marrjes së një diplome më të përparuar. Tani është koha ta realizoni këtë gjë.

Mësoni nga gabimet tuaja
Me shumë gjasa keni bërë plot gabime në moshën 20-vjeçare. Ky nuk është një problem për sa kohë mësoni nga eksperiencat tuaja. Kjo kërkon të merrni përsipër përgjegjësi për atë që mund të ketë qenë një gabim dhe të kuptoni përse ka ndodhur.