Gjiknuri: Projektet që po ndryshojnë hartën energjitike të Shqipërisë

Ballkani Perëndimor e Shqipëria janë futur tashmë në axhendën e interkonektivitetit dhe sigurisë energjetike, deklaroi sot ministri i Energjisë dhe Industrisë, Damian Gjiknuri i pranishëm në punimet e Konferencës së Ambasadorëve, aktivitet treditor që zhvillohet në mjediset e Ministrisë së Punëve të Jashtme me titullarët e përfaqësive diplomatike dhe konsullore të Republikës së Shqipërisë në botë.

Gjiknuri u shpreh se “ndodhi ajo që përflitej me kohë, hapja e një korridori të ri për Bashkimin Evropian, për furnizimin me energji, pra Korridorin Jugor. Ballkani Perëndimor dhe Shqipëria u futën në një hartë që dikur nuk e kishin menduar”.

Në këtë projekt të rëndësishëm, vijoi.Gjiknuri, ne shohim interesin kombëtar, të përfitojmë një burim të ri energjie.

“Shqipëria është vend i varur nga prodhimi i energjisë me hidro, kërkesa për energji është në rritje dhe vendi ka nevojë për diversifikim energjie. Qeveria mundësoi përmbylljen e Masterplanit të Gazit i cili shumë shpejt do të kthehet në një dokument zyrtar e strategjik. Do të jetë harta jonë përsa i përket zhvillimit të sektorit dhe gazit dhe gazifikimit në Shqipëri. Kjo do të pasohet me rrjetin e shpërndarjes dhe do të krijojë gjithashtu mundësi ekonomike e burim alternative energjie”, sqaroi ministri.

Ky burim furnizimi gazi mund ta shndërrojë vendin në një nyje të vogël energjitike duke degëzuar edhe rrjetet e tjera siç është rasti i gazsjellësit Jonian-Adriatik (IAP).

Në këndvështrimin e ministrit Gjiknuri, do të ketë sasi gazi shtesë dkonferenca e ambasadoreve (2)he duke qenë kjo e bën edhe më të vlefshëm gazsjellësin IAP. Sipas tij, ka investitorë të interesuar dhe vende të rajonit si Kroacia, Shqipëria e Mali i Zi shumë shpejt do të ngrenë një kompani të përbashkët, entitet juridik për ta promovuar.

“Bashkë me Kosovën po promovojmë e shumë shpejt do nisë studimi i fizibilitetit për lidhjen e TAP-it me Kosovën duke krijuar më shumë mundësi. Lidhja e IAP-it më tej krijon mundësinë e ringut të gazit për Ballkanin”, tha z. Gjiknuri.

Duke u ndalur tek energjia elektrike, ai nënvizoi se lidhja me Kosovën ka përfunduar dhe vitin e ardhshëm fillon lidhja me Maqedoninë. “Kemi filluar punën edhe për krijimin e tregut të energjisë elektrike që këto mundësi që krijon ndërlidhja të vihen në funksion edhe të burimeve tona”, theksoi ai.