Halloween, festa që “çmendi” Tiranën
Me maska të ndryshme të rinjtë pushtuan rrugët e Tiranës për Halloween, një festë që po kthehet në traditë. Baret kanë qënë destinacioni i të apasionuarve pas kësaj feste.
Halloweeni po kthehet në një traditë në Shqipëri edhe pse më së shumti mbetet vetëm një arsye për të rinjtë për të festuar.
“Halloween” është festa e shtrigave, fantazmave, monstrave, të cilët nën maskat e të rinjve pushtuan Tiranën.
Në Shtetet e Bashkuara të Amerikës, Halloween është një industri prej disa miliarda dollarësh, ndërsa në Shqipëri nuk mund të flitet për diçka të tillë.
Me kunguj të zbukuruar, rrjeta merimangash e plot simbole të tjera, baret ishin destinacioni i vetëm i festës.
Por Halloweeni, nuk është një festë vetëm për të rritur, është edhe për fëmijët si ky superhero në Tiranë, i cili ndoshta nuk e di refrenin “Karamele apo rreng”, por i është gëzuar festës njësoj si bashkëmoshatarët e tij në botë.