Idrizi krah biznesit: Ligji i Dhomave të Tregtisë të rregullohet
Kryetari i PDIU-së, Shpëtim Idrizi, aleat në qeverisje ka përkrahur shoqatat e biznesit për mosmiratimin e Ligjit për Dhomat e Tregtisë i cili parashikon parashikon anëtarësim të detyruar të biznesit në vend. Idrizi e ka cilësuar qendrimin e qeverisë etatist dhe të gabuar, duke kërkuar të rregullohet menjëherë.
“Në vokacionin e partisë tonë është fokusi tek dëgjimi dhe përkrahaj e bzinesit në Shqipëri si i vetmi promotor zhvillues. Qeveria shqiptare dhe shteti shqiptar duhet të iki nga pozicioni etatist, pro në radhë të parë duhet të jetë në konsultë me bzinesin shqiptar”, tha ai.
Shoqata e bankave argumenton se ligji mbi Dhomat e Tregtis është i papranueshem pasi shkel të drejtat e biznesit.
“Rezulton antikushtetues, pra ai shkel një të drejtë themelore, të drejtën e çdo biznesi për tu organizuar në mënyrë vullnetare. Nga pikëpamja praktike është jo i domosdoshëm dhe jo eficent. Në këto 25 vite në kemi provuar eksperienca nga më të ndryshmet”, tha Spiro Brumbulli.
Ligji i Dhomave të Tregtisë, që kundërshtohet nga 18 shoqata Biznesi, është kthyer nga presidenti Nishani për ridiskutim ndërsa pritet të kalojë shumë shpejt në Kuvend.