INSTAT: Shkalla e papunësisë bie -1.1%

Gjatë tremujorit të dytë 2016, në Shqipëri shkalla e papunësisë sipas definicionit të ONP për popullsinë 15-74 vjeç, është 15,5 %.

Sipas Anketës së Forcave të Punës, publikuar bga Instituti i Statistikave, krahasuar me tremujorin e pararendës, shkalla e papunësisë ka pësuar një rënie prej 1,1 pikë përqindje. Krahasuar me tremujorin e dytë të vitit 2015, shkalla e papunësisë në tremujorin e dytë 2016 u ul me 1,5 pikë përqindje.

Për popullsinë e moshës 15-64 vjeç shkalla e papunësisë në tremujorin e dytë 2016 është 15,9 %. Për meshkujt e kësaj grup-moshë, shkalla e papunësisë është 17,0 % dhe për femrat 14,6 %.
Krahasuar me tremujorin pararendës, në tremujorin e dytë 2016, shkalla e papunësisë për femrat e moshës 15-64 vjeç ka rënë me1,3 pikë përqindje. Ndërsa për meshkujt ka rënë me 0,8 pikë përqindje.

Gjatë tremujorit të dytë 2016 për të rinjtë e moshës 15-29 vjeç shkalla e papunësisë është 29,9 %. Shkalla e papunësisë për të rinjtë ka pësuar një rënie prej 0,5 pikë përqindje krahasuar me tremujorin pararendës. Edhe në terma vjetorë shkalla e papunësisë së të rinjve shfaq tendencë në rënie.

Krahasuar me tremujorin e dytë të vitit 2015, shkalla e papunësisë për të rinjtë në tremujorin e dytë të vitit 2016 është 4,3 pikë përqindje më e ulët. Për popullsinë 30-64 vjeç në tremujorin e dytë 2016 shkalla e papunësisë është 11,9 %. Krahasuar me tremujorin pararendës për këtë grup-moshë pati një rënie të shkallës së papunësisë me 1 pikë përqindje. Edhe në terma vjetorë ky tregues pësoi një rënie të lehtë me 0,2 pikë përqindje.