Investimet kineze, në gusht memorandumi Durrës-Shantou

Një memorandum bashkëpunimi pritet të nënshkruhet në muajin gusht mes Durrësit dhe qytetit-port Shantou të Kinës.

Mbi këtë event që pritet t’i hapë rrugë investimeve kineze në Durrës është diskutuar gjatë një takimi që ambasadorja e Republikës së Kinës në Tiranë, zonja Jiang Yu pati në Bashkinë e Durrësit me kryetarin Vagjush Dako. 

Ambasadorja Yu foli për një rritje të interesimit të bizneseve kineze për të investuar në shumë sektorë në Durrës dhe në të gjithë vendin. 

Ndërsa kryebashkiaku Dako u ndal veçanërisht në sektorin e turizmit dhe atë ekonomik, si dhe në rolin e rëndësishëm të portit të Durrësit në ekonominë e vendit.