Jul Deda bën “paqe” me Bashkinë, rikthehet te lojërat e Parkut të Tiranës

Aktori i njohur i humorit, njëherësh dhe anëtar i Këshillit Kombëtar të Partisë Demokratike,  Julian Deda ishte njëri prej  protestuesve të opozitës kundër projektit të Bashkisë së Tiranës për ndërtimin e këndit të fëmijëve në kodrat e Parkut të Madh të Liqenit të Tiranës.

Por me sa duket, Deda ka reflektuar duke ndryshuar qëndrim ndaj këndit të lojërave, të cilin mesa duket ai e shfrytëzon sa herë i jepet mundësia. Aktori e ka zbuluar vetë këtë fakt teksa ka publikuar një foto ku ka dalë së bashku me një nga punonjëset e bashkisë në ambientet e këndit të lojërave.

“Kjo zonja këtu është Xhevi. E qeshur dhe e palodhur. E shoh çdo mëngjes duke punuar fort, që ne mëndjemëdhejtë ta gjejmë pastër ambientin. Respekt për të”, shkruan në “facebook” Julian Deda.