EUROSIG i Kadri Morinës merr 100 % të INSIG. Pagoi sot 20 milion dollarë

Ky është lajm! Me shume “2” -sha dhe plot lekë në buxhetin e shtetit.

2,222,122,000 LEK paguan Eurosig sot për blerjen 100% të paketës së aksioneve të së vetmes kompani shtetërore të sigurimeve, INSIG sh.a! 2-shat janë fat për suksesin në të ardhmen, ndërsa blerja e INSIG është punë, sakrificë dhe përkushtim!

Kadri Morinaj bashkë me stafin e tij, jo vetëm profesional, por edhe të përkushtuar si një ekip, janë gati për sfidat e radhës!
Sot EUROSIG bëhet edhe më i madh, edhe më i fortë, sepse EUROSIG është kompania e standarteve europiane!!

Kështu kompania e Kadri Morinës, e cila zotëron tregun dhe mbetet shoqeria numër një në këtë fushë, ka mbyllur operacionin me të suksesshëm.

Eurosig sh.a bleu  INSIG

INSIG zotërohet tashmë nga Eurosig sh.a me kapital 100% vendas.

Me blerjen e INSIG, Eurosig sh.a bëhet pretendente për të qenë kompania më e madhe e sigurimeve në treg.

Eurosig, kompania me kapital tërësisht shqiptar, aktive në tregun e sigurimeve që nga viti 2004, është shoqëri me aktivitet të zgjeruar në Shqipëri dhe Kosovë, me vlere investimi prej 20 milion € dhe me një staf prej 550 punonjësish të cilët i shërbejnë më shumë se 200.000 klientëve.

Nga ana tjetër INSIG,kompania e parë e sigurimeve në Shqipëri me nje aktivitet të zgjeruar edhe në Kosovë e Maqedoni, është një kompani kompozite e cila zotëron 4 licenca për sigurim jete dhe jo-jete. Ajo ka një aktivitet të ndërtuar gjatë 25 viteve eksperiencë dhe ka një numër prej mëse 100.000 klientësh. Instituti i Sigurimeve sh.a. (INSIG sh.a) është kompania e parë e sigurimeve dhe e vetme në historikun e zhvillimit të tregut shqiptar të sigurimeve, i cili ka luajtur një rol të padiskutueshëm në krijimin, zhvillimin dhe konsolidimin e këtij biznesi në ekonominë e vendit.

Eurosig sha, siguron të gjithë klientët aktualë të INSIG se do të vazhdojë të jetë në shërbimin e tyre duke përmirësuar dhe zgjeruar gamën e produkteve dhe investimeve që ofron.