“Kamarieri” mashtroi, sapo mbaroi dasma vodhi 1000 euro
Në dasmat Shqiptare, tradita dhe zakoni e kërkon hedhjen e parave kur kërcen cifti apo familjarë. Shuma e parave të grumbulluara, mund të shkojnë në disa miliona leke apo euro.
Një ngjarje e pazakontë ka ndodhur në Vlorë, ku një “kamarier” dasmash ka rënë në prangat e policisë pasi akuzohet për vjedhje.
Policia ka bërë me dije se gjatë mbrëmjes së djeshme, ka arrestuar shtetasin Argentin Hodaj, 39 vjeç, banues në Vlorë, i dyshuar si autor i vjedhjes së 1000 eurove në një hotel në Dhërmi.
“Arrestimi i tij u bë pasi dyshohet se ky shtetas është autorë i vjedhjes së 1000 euro-ve në Hotelin “Splendor” në Dhërmi, me pronar shtetasin F.G”.
Vjedhjen e këtyre parave, 39-vjeçari dyshohet se e ka bërë në cilësinë e punonjësit “Kamarier” në një ceremoni martesore që po organizohej në këtë vend.
Materialet në ngarkim të tij iu referuan Prokurorisë për hetimet të mëtejshme.