Katastrofa pas tërmetit, Leo Messi: Ndihmoni 1 milion fëmijët e Nepalit!

Një ditë pas fitores tenistike 6-0 ndaj Getafes, Lionel Messi ka bërë thirrje për të gjithë që të ndihmojnë fëmijët në  Nepal. Pas tërmetit të fuqishëm në këtë vend, që shkaktoi me mijëra viktima, Nepali ndodhet në  një kaos të madh. Messi ne faqen e tij ne Facebook shkruan dhe apelon se me shume se 1 milion fëmijë në Nepal kanë nevojë  për ndihmën tonë dhe duhet t’i ndihmojmë. Messi ka shpërndarë edhe një link ku mund të  jepen ndihmat për fëmijët e Nepalit. Raportohet se Messi sot do të dërgojë nga ana e tij një donacion prej më tepër se një milion euro, për t’iu ardhur në ndihmë të mbijetuarve nga tërmeti. Leo Messi është edhe ambasador i “Unicef”.