Kavaja e vogël për Elvis Rroshin, pas lirimit shijon jetën në ish-Bllok (FOTO)

Kryebashkiaku më famoz në vend, ai i Kavajës, Elvis Rroshi, ka qenë këtë fundjavë në syrin e paparacëve. Një figurë e cila lakohet shpesh nga selia blu, kjo për shkak edhe të hetimeve që janë mbi të, në lidhje me mosdeklaraimin e dënimeve në Europë, në formularin e derkiminalizimit.

Por, prej një jave, i rikthyer në krye të detyrës, me një start të madh, kreu i Bashkisë së Kavajës, duket si i ka munguar jeta prej vipi.

Të gjithë ata që ndjekin lajme politike, kanë mësuar se kryebashkiaku Elvis Roshi, mori pafajësinë në Gjykatën e Lartë pak ditë më parë dhe mund t’i kthehet jetës normale, si dhe punës së kryetarit të Bashkisë.

Por Kavaja, një qytet histroik, por i vogël ku nuk të ofron shumë mundësi argëtimi, mesa duket, ka qenë shumë e vogël për ta mbajtur këtë gëzim të madh që Roshi ka, dhe në fundjavë duket se ka marrë rrugën dhe ardhur në Tiranë, në një lokal me emër në zonën e ish­-Bllokut.

Ai ishte dhe në shoqërinë e shumë burrave dhe të ndonjë deputeti të PS. Këtë skenë, e kanë parë me kuriozitet edhe analisti Lutfi Dervishi dhe Afrim Krasniqi, të cilët po kalonin aty rastësisht.