Kjo është Rilindje, ti jep lekët cash!

I pari i listës së LSI-së për qarkun e Beratit Nasip Naço ka reaguar në lidhje me një foto të publikuar nga PS, ku duket një person në motor me bluzën e LSI-së ndërsa mbrapa ka një thes me miell.

Në një status në profilin e tij në ‘Facebook’, Naço sqaron se kjo foto është e gjitha një inskenim nga PS-ja.

Kandidati për deputet në Berat ka shpjeguar edhe foton e dytë, ku ish-kreu i Bashkisë së Beratit Fadil Nasufi, i cili u fotografua duke i lënë lekë një burri të moshuar.

Ai thotë se të dyja këto foto kanë një të përbashkët, dhe sipas tij, ajo është autorësia.

“Ka një diferencë mes dy fotove. E para është një inskenim i turpshëm dhe i qëllimshëm, ndërsa e dyta pasqyron realitetin e shëmtuar të Rilindjes, kur ai që duhet trajtuar ligjërisht me ndihmë ekonomike, ditën për diell dorovitet me tepsinë e korrupsionit mepara, në një kohë që paratë që meritonte ja kanë vjedhur. Por te dyja kanë një të përbashkët, autorësinë! Turp për Rilindjen!!!”, -shkruan Naço