Kjo foto po bën namin në mediat sociale! Çfarë ka May?

Një foto e publikuar në mediat sociale po komentohet shumë. Është Theresa May, kryeministrja britanike e cila duket shumë e vetmuar në mes të një tavoline. Mesa duket Theresa May shkoi pak më herët në takimin me homologët e saj, por ajo që shihet qartë është se May duket pakëz e trishtuar dhe e zhytur në mendime. Megjithatë shumë shpejt, tavolina u mbush plot.

Jo vetëm kaq, por pati edhe një dritë jeshile nga BE-ja që ra dakort të hapë rrugën e negociatave, pas 6 raundesh të pasuksesshme. Kështu May nuk ka pse të trishtohet më, madje tani mund të buzëqeshë. Ja si e komentuan përdoruesit e Twitterit këtë foto: ”Theresa e vetme në një samit të BE. Duket si një metaforë për mënyrën se si po shkojnë negociatat e saj”,-shkroi një përdorues në Twitter.

“Një imazh që përfaqëson vetminë absolute, por jo. Është Kryeministrja jonë në Bruksel” tha një tjetër. “E shkreta Theresa May”, shkruan Huffington Post.