Kompensimi i pensionistëve për energjinë, lehtësohen procedurat

Tre Ministritë kompetente për procesin e kompensimit të pensionistëve për energjinë elektrike, ajo e Mirëqenies Sociale, Energjisë dhe Financave, kanë lëshuar një udhëzim të ri lidhur me procedurat e dorëzimit të dokumentave.

Tre ministrat firmosën udhëzimin e ri i cili lehtëson marrjen e kompensimit.

Ata kanë hequr kushtin e dorëzimit të një vërtetimi i cili tregon se nuk ka persona të punësuar në familjen e pensionistit që përfiton kompensimin.

Kompensimi do të jetë në shumën e 648 lekëve në muaj pavarësisht konsumit që kryen konsumatori.

Gjithashtu gjithë pensionistët që nuk kanë paraqitur dokumentacionin e nevojshëm për tërheqjen e kompensimit kanë kohë deri në fillim të qershorit për t’i dorëzuar.

Pavarësisht kur i dorëzojnë ata do të përfitojnë gjithë muajt e kompensimti që prej janarit 2015.

Janë rreth 82 mijë pensionistë deri tani që kanë përfituar nga ky kompensim.