Konfindustria: Rritja e të ardhurave nuk duhej të mbështetej në rritjen e barrës fiskale

“Konfindustria, duke mbështetur në parim synimet për rritjen ekonomike prej 3% të PBB, uljen e borxhit dhe deficitit publik vlerëson, se objektivat e mësipërme janë të vështira për tu arritur, duke patur parasysh tërësinë e politikave fiskale në fuqi dhe të parashikuara, pavarësisht disa përmirësimeve pjesore në paketën shoqëruese të ligjit për buxhetin 2015.

Konfindustria, mbështet disa prej masave fiskale të parashikuara në paketeën shoqëruese të ligjit të buxhetit 2015 si p.sh ulja e rentës minerare dhe naftës për industrinë prodhuese vendore, paketa për bujqësinë me kusht të merren masat për formalizimin e saj.

Gjithashtu mbështetet rritja e pjesës seë rentës minerare për pushtetin vendor, duke e vlerësuar si hapi i pareë për mbështetjen financiare të domosdoshme për reformën administrative”, u shpreh Administratori i Përgjithshëm i Konfindustria Gjergj Buxhuku.

Në vijim Konfindustria shpreh shqetësimin, se rritja e të ardhurave buxhetore duhet të mbështetej në mirëadministrimin dhe zhvillimin ekonomik dhe jo në rritjen e barrës fiskale, sikurse është parashikuar në tërësi në ligjin për buxhetin 2015.

“Përkundrazi, rëndesa në vazhdimesi e barrës fiskale brenda 1 viti me 50% i tatimeve mbi fitimin, dividentin, të ardhurat personale, qiratë, etj.,, ul fuqinë konkuruese të ekonomisë shqiptare në rajon për investimet e huaja, rrit trysninë për shtim të evazionit fiskal, rrit kostot e prodhimeve vendore, ul fuqineë blerëse, nuk mbështet rritjen ekonomike dhe të ardhurat buxhetore të parashikuara, duke rrezikuar ndjeshëm edhe vetë objektivat kryesorë të shpallura të buxhetit të vitit 2015”, tha Buxhuku.