Konfiskohen 5 mijë tableta ekstazie me portretin e Trump

Policia në Gjermani ka konfiskuar 5 mijë tableta ekstazie që kishin formën e fytyrës së presidentit Donald Trump.

Pilulat u gjetën nga policia në një makinë në Lower Saxony të shtunën dhe u konfirmuan me një deklaratë të hënën.

“Gjatë kërkimit të makinës, policia gjeti rreth 5 mijë tableta ekstazie me portretin e presidentit amerikan. Vlera e tyre arrin në 11 mijë euro, ndërsa vlera e shitjeve shkon deri në 39 mijë euro,” – thuhej në njoftim.

Një 51-vjeçar dhe djali i tij, 17-vjeçar u arrestuan dhe u paraqitën në gjykatë të dielën. Ata ishin në furgonin ku u gjetën tabletat, që ishte i regjistruar me letra austriake dhe po ktheheshin nga një udhëtim në Holladë.

Mendohet se Hollanda është vendi ku janë krijuar pilulat me ngjyrë portokalli dhe rozë.

Kjo nuk është hera e parë që zbulohen pilula të tilla pasi në korrik u raportua që po qarkullonin në tregun e zi.

Trump ka qenë inspirim dhe për krijime të tjera pasi 5.500 q2ese me heroinë u konfiskuan në janar nga policia e Floridës.