Kreu i Gardës inspekton ambientet e GJKKO-së, takim edhe me Erion Banin

Një ditë pas mbledhjes së 260 gjyqtarëve, komandanti i Gardës së Republikës, Simon Zereci, ka shkuar sot në GJKKO.

Zereci  ka zhvilluar një takim me kryetarin e Gjykatës, Erion Bani lidhur me gjendjen e sigurisë. Kreu i Gardës dhe Bani kanë zhvilluar një inspektim në ambientet e GJKKO-së.

Një ditë më parë, Bani në mbledhjen e përgjithshme të gjyqtarëve kërkoi inspektime në të gjitha ambientet e gjykatave. Ai deklaroi se duhen evidentuar të gjitha problematikat deri te pyetja e gjyqtarëve dhe stafit të gjykatave për çdo shqetësim apo problematikë që mund të hasin gjatë ushtrimit të funksioneve.