Krijesa gjysmë njeri e gjysmë dele, zbardhet misteri

Ardhja në jetë e një krijese që ngjan si gjysmë njeri dhe gjysmë dele ka shkaktuar konflikte në fshatin Lady Frere të Afrikës së Jugu. Banorët akuzojnë njëri-tjetrin për ‘shtrigëri’, ku shumë prej tyre janë të bindur se bëhet fjalë për një djall.

Një pjesë e tyre besojnë se delja mund të jetë përdhunuar nga ndonjë njeri dhe ka sjellë në jetë krijesën e çuditshme. Autoritetet vendase nisën kërkimet për të zbuluar se për çfarë bëhet fjalë dhe arritën që të zbardhin misterin.

“Duam që të konfirmojmë se krijesa e lindur në Lady Frere, është një qengj i deformuar. Nëse për disa mund t’iu ngjajë si një qenie njerëzore, ne konfirmojmë se nuk është e tillë. Bëhet fjalë për një qengj i lindur nga një dele e infektuar nga një virus që në fillim të shtatzënisë. Ky virus shkakton infektimin e fetusit  dhe deformimin e tij gjatë rritjes. Ju kërkojmë banorëve të zonës që të mos shqetësohen”, shprehen ekspertët.