Krokodili mbërthen antilopën, dhe gjesti i hipopotamit

Kalimi i antilopave, zebrave, ipalave dhe shumë kafshëve të tjera barngrënëse nga njëra anë e lumit në tjetrën shkakton një kasaphanë të vërtetë dy herë në vit.

Në lumë gjenden nofullat vdekjeprurëse të krokodilëve të mëdhenj të Afrikës së Jugut. Por, kjo antilopë i shpëtoi mrekullisht vdekjes për shkak të një hipopotami.

Kafsha po mbërthehej nga krokodili, por ndërhyrja në kohë e hipopotamit i dha kafshës një fund të lumtur në anën tjetër të lumit. Videoja është filmuar rastësisht nga pensionisti Mervyn Van Wyk, 72 vjeç, i cili po vizitonte parkun Kruger të Afrikës së Jugut me gruan e tij.

Kafsha luftoi për jetën e saj për 8 minuta me nofullat e forta të krokodilit që e kishin mbërthyer. Kafsha e lodhur ishte gati të dorëzohej për të përfunduar në ujë, por hipopotami gjendet aty duke i dhënë antilopës një shans të dytë.

Mervyn tha: “Nuk mund ta besonim këtë gjë të rrallë. Unë kurrë nuk kam parë një kafshë që i vjen në ndihmë një kafshë tjetër, ishte thjesht mahnitëse.

Mbani mend në Kruger, mos nxitoni dhe gjithmonë jini të duruar sepse këto zbulime mahnitëse janë kudo”.