Kryeministri Rama për çmimin e naftës: Nëse heqim taksën e qarkullimit, 4-fishohet!

Kreu i PS-së dhe njëherazi, kryeministri Edi Rama ndodhet në Asamblenë e Partisë Socialiste në njësinë 7 në Tiranë. Rama shprehet i bindur se Tirana do të mbetet nën qeverisjen e socialistëve edhe pas zgjedhjeve vendore të vitit 2027.

Lidhur me çmimin e naftës që është edhe shqetësim kryesor për qytetarët e jo vetëm, Rama tha se çmimi është rritur kudo. Ai tha se është marrë parasysh heqja e taksës së qarkullimit, por kjo do të sillte rritjen e katërfishtë të çmimit.

”Ne e kemi bërë llogarinë, nëse ne e heqim taksën e qarkullimit nga çmimi i naftës, çmimi do të bjerë, por ama të gjithë ata që kanë një automjet, o të duhet të paguajnë 4-fishin e asaj që u bie sot, mesatarisht.

Në vend që ti ngarkojmë me 4-fishin të gjithë, ne e kemi menduar që më mirë, kush shpenzon më shumë naftë, paguan më shumë. Në njëfarë mënyre, ata që djegin më shumë karburant, janë më ndotës”, tha Rama.