Kukës, ulet rendimenti i grurit

Vetë fermerët thonë se sasia e grurit të marë këtë vit ka rënë në rreth 20% cka do të ndikojë në ekonominë e tyre familjare, pasi falë kultivimit të grurit ata mundësojnë ushqyerjen e familjeve të tyre, ndonëse cilësia e grurit që kultivojnë është e lartë.

Edhe ekspertët e drejtorisë së Bujqësisë në Kukës e pranojnë faktin e uljes së rendimentit dhe thonë se këtë vit fermerët kanë marë 35 kuintal për hektar,  5 kuintal më pak se vitin e kaluar. 

Ata shtojnë se aty ku parcelat janë vaditur rendimenti ka shkuar në 45 kuintal  për hektarë dhe aty ku nuk ka patur ujë është marë 35 kuintal për hektar.

Fermerët e qarkut të Kukësite kultivojnë grurin në një sipërfaqe të konsiderueshme, pasi është e vetmja kulturë që kultivohet në tokat e qarkut të Kukësit, që janë jo prodhuese. 

Ekspertët bëjnë të ditur se në Qarkun e Kukësit për këtë vit janë mbjellë me grurë 1 mijë hektarë tokë, ku 800 hektarë korren me autokombanjë dhe 200 hektarë korren me dorë, për shkak të terrenit të thyer malor. 

Për të përmbyllur fushatën e korrjes së kësaj kulture bujqësore, janë shpërndarë në terren një numër prej 15 autokombanjash.

Flutura Tota