Kur do të dalë në shesh e vërteta për vdekjen e djalit tonë, Denisit?

I nderuar botues i “Koha Jonë”, po ju shkruajmë ne dy prindërit e Denis Almadhit, nga lagja Shkozë e Tiranës , që dora mafioze e bluzave të bardha i mori jetën padrejtësisht, afro para tre vjetësh ,në moshën 11 –vjeçare.Ne prindërit dhe të afërmit e tij, fill pas tragjedisë që na ndodhi e kur u publikua gjerësisht në media, kemi kërkuar vetëm një gjë: që të bëhet drejtësi e të dalë e vërteta në shesh, ashtu siç është. Në shtator të vitit 2012, djalin tonë 11- vjeçar , Denis Almadhi e dërguam në spitalin “Nënë Tereza” në repartin e ashtuquajtur spitali francez, për të bërë një operacion plastik, pasi djali kishte pak të varur kapakët e syve dhe i pengonin shikimin normal.Djali ishte shëndoshë si kokrra e mollës, kur hyri në sallën e operacionit,madje na dha kurajo edhe neve prindërve duke na thënë : “mos u mërzitni për mua, se unë po futem në sallën e operacionit që të dal prej andej më i bukur!” Por fatkeqësisht Denisi ynë i dashur doli prej andej i vdekur, duke na lënë ne dy prindërve me duar në gji dhe dy motrat me lot në sy. Denisin e vranë mjekët, për arsye krejtësisht të pajustifikueshme, pavarësisht se tani mundohen ta mbulojnë tragjedinë me mister e të mohojnë krimin e bërë. Përgjigjen e saktë për vdekjen e djalit tonë duhet ta japin së pari tre mjekët e huaj që kryen operimin.Së dyti duhet të na e japë e ashtuquajtura Shoqatë e Anestezistëve të Shqipërisë me kryetar Tritan Shehu dhe anestezisti Cevin Clarkos që i futi dozën e narkozës.Përgjigjen e saktë duhej ta kishin dhënë gjithashtu në kohën e duhur edhe organet kompetente të shtetit tonë, organet e drejtësisë, duke nxjerrë në shesh të vërtetën e duke na e lehtësuar sadopak dhëmbjen e madhe që n aka këputur shpirtin. Dosja e vdekjes së Denisit është e plotë, me të gjitha faktet dhe argumentet e duhura, duke na ndihmuar në këtë drejtim specialistë të mjekësisë, elementë të veçantaë të organit të hetimit, dhe sidomos na ka ndihmuar shumë Avokati i Popullit,me në krye zotin Igli Totozani. Dosja e plotë është dorëzuar pranë gjykatës së rrethit gjygjsor Tiranë dhe po mbushen gati tre vjet që vazhdon gjykimi. Por në lidhje me dosjen , na ka bërë përshtypje fakti se oficeri i policisë gjygjsore ka bërë fallsifikim të fakteve, duke dashur ta mbulojë shkakun e vërtetë të vdekjes së djalit tonë, dhe për këtë po përgjigjet para ligjit, dhe së dyti ne si prindër edhe pse dimë gjithçka dhe kemi argumenta të plota për fajësinë e mjekëve për vdekjen e djalit tonë Denisit, nuk jemi pranuar të dëgjohemi si palë në seancat gjygjsore e të mos na merret në konsideratë asnjë fakt që disponojmë se kjo gjoja qenka detyrë vetëm e prokurorit të çështjes. Që vdekja e djalit tonë, Denis Almadhi ishte për faj të mjekëve që e operuan dhe i dhanë mbi dozë narkoze, e ka dëshmuar së pari mjeku shqiptaro-amerikan Mat Hitto, që ne e pergëzojmë për kurajon dhe sinqeritetin e tij profesional.Ne kemi grumbulluar të gjitha faktet e duhura dhe kemi arritur në konkluzionin se e vërteta e vdekjes është:

-Nga analizat e bëra ka rezultuar se djali ynë nuk duhej t’i nënshtrohej një operacioni me anestezi të përgjithshme, pa u kryer edhe disa analiza të tjera plotsuese.

Operacioni ishte estetetik dhe nuk duhej të zgjaste më shumë se 20 minuta,duhej bërë nën efektin e një anestezie lokale dhe jo anestezie të përgjithshme, mbidozë e cila i solli edhe vdekjen

* Jo vetëm që operacioni u krye me anestezi të përgjithshme, por ne kemi konstatuar e vërtetuar se nga ana profesionale mjekësore janë bërë edhe disa shkelje të tjera flagrane me protokollet e përdorimit të narkozës. Së pari, ajo që theksuam më lart , se me analizat e pjeshme të bëra ,nuk duhej futur në sallën e operacionit. Së dyti detyrimisht duhej bërë testi i kafeinës alotante e domosdoshme për rastin e Denisit i cili ishte me lindje kongenitale dhe në protokollin e hipertermisë malinje është kategorisht e ndaluar ndërhyrja kirurgjikale pa praninë e medikamentit Dantrolen,i vetmi medikament ,që shmang pasojën me vdekje në të tilla raste.

* Ne jemi prindër, jemi njerëz që dimë të kuptojmë edhe gabimet njerëzore edhe të falim kur është nevoja, por ajo që na ka vrarë më shumë është: Si këto mjekë nuk morën kurajon e të vinin në familjen tonë duke na e zbutur pak dhëmbjen, por u larguan si hajdutë nga Shqipëria dhe për më tepër, për të fshehur fajësinë e tyre u munduan të fshijnë të dhënat nga sistemi TIMS, duke u paraqitur sikur as nuk kishin hyrë dhe as nuk kishin dalë nga Shqipëria.

* Ç’e shtyu oficerin e policisë gjygjsore të fallsifikonte të dhënat e dosjes së hetimit, për të mbuluar me çdo kusht të vërtetën.

* Pse organet që drejtojnë shëndetsinë shqiptare, mundohen të fshehin një vdekje të tillë , plotsisht e vërtetuar fajësia, kur ato duhet të jenë në anën e viktimës, të paktën për humanizëm e korrektesë profesionale.

* Së fundi pse gjithë kjo zvarritje nga organet e drejtësisë, seancë pas séance gjygjsore, dhe e vërteta nuk del në shesh , gjë që ne na dyfishon dhëmbjen dhe na bën të shprehemi se Denisin tonë të dashur po e rivrasin përsëri.

Ne falenderojmë në veçanti për sensacionin që i kanë dhënë mediat këtij problemi dhe kemi besim të plotë edhe tek gjygjtari i çështjes që pa tjetër do ta zbardhë të vërtetën dhe do ta vëjë drejtësinë në vend, duke i lehtësuar sadopak zemrat tona të përvëluara.

Ju jemi shumë mirënjohës edhe juve gazetarëve të gazetës “Koha jonë” që do ta risillni edhe një herë në vëmendje të opinionit public , dhimbjen tonë të madhe.

Me respekt nga prindërit e Denisit, Sheje dhe Fatmir Almadhi.