Kur pagjumësia është shenjë paralajmëruese për ndonjë problem shëndetësor

Ndonjëherë pagjumësia mund të jetë shenjë paralajmëruese për sëmundje që kanë lidhje me shëndetin mendor. Nëse një person shkon tek mjeku dhe i ankohet për pagjumësinë, por nuk është kjo e vetmja ankesë e tij, atëherë detyra e mjekut psikiatër është të zbulojë se çfarë fshihet pas këtij çrregullimi, shkruan “shëndeti”.

Shpesh herë çrregullimet e gjumit mund të jenë sinjal alarmi për fillimin e një gjendje ankthi, paralajmëruese të ndonjë çrregullimi madhor të humorit, siç është gjendja manjakale, apo çrregullim depresiv. Apo duke vazhduar më tej, mund të jetë sinjal për sëmundje të rënda të cilat pagjumësia i shoqëron gjithmonë kur flitet për çrregullime të mendimit, çrregullime psikotike, skizofreninë, etj.