Ky është avioni më i shpejtë në botë (Video)

Lockheed SR71 Blackbird është një avion i cili edhe sot të impresionon, edhe pse nuk është ndërtuar së fundmi, pasi i ka shërbyer nevojave të Forcave Ajrore Amerikane nga viti 1964 deri në 1998.

SR71 zotëron që nga viti 1976, rekordin botëror si avioni më i shpejtë në botë “që mban njerëz”, me 3.529,6 km/orë shpejtësi të regjistruar.Bëhet fjalë për një rekord që nuk e ka thyer dot asnjë avion i kësaj kategorie. (duhet të theksojmë rekordin tjetër që ka shënuar avioni-raketë X-15, këtu shpejtësia e regjistruar është (7.272 km/orë).

Rekordi është arritur në 28 Korrik të 1976, të njëjtën ditë që një avion tjetër (i të njëjtit tip) theu një rekord tjetër duke fluturuar në një lartësi prej 25.929 metrash.

SR-71, zotëron gjithahstu rekordin e shpejtësisë për fluturimin nga Nju Jorku në Londër (një distancë 5.646 km me 2.310 km/h) avioni ka arritur në distancion për 1 orë e 54 minuta dhe 56,4 sekonda. Ky rekord është regjistruar me 1 Shtator të1974.

Blackbird është ndërtuar si një projekt ushtarak tepër sekret nga Lockheed dhe projektuesi i Clarence Johnson. Nga 32 avionët e këtij tipi që ishin të disponueshëm, 12 janë shkatërruar në aksidente, por asnjë prej tyre nga të goditjet e armiqve.

Dhe ndërkohë që në shumicën e avioneve përdorimi i titanit ishte i kufizuar vetëm tek pajisjet të cilat ekspozoheshin në temperatura të larta, tek SR-71 ky material është përdorur në 85% e strukturës së tij.