“Lapsusi” i deputetes, ngatërron Pashko Vasën me Naim Frashërin

Në seancën plenare, përvec deklarata me përmbajtje të rëndë akuzash, ka edhe deklarata me gabime ose ndryshe me lapsuse. Gjatë fjalës së saj, deputetja e PD për qarkun e Vlorës, Liljana Elmazi, në diskutimin e saj, përdoi fjalë nga letërsia, duke cituar një autor. Ka qenë statusi i një profesori të letërsisë, e përkatësisht e Bardhyl Matraxhiu, i cili e ka vënë re gafën/lapsusin.

“Siç ka thënë edhe Pashko Vasa “lum kush të rrojë e ta shohë…’”, pas këtyre fjalëve, Matraxhiu, që e ka ndjekur kuvendin nga shtëpia ka reaguar në profilin e tij në Facebok ku dhe është habitur se si është e mundur që të bëjë një gafë të tillë një deputete.

“Sa po flet një deputete citon sipas saj çka thënë VASHKO PASA Sinqerisht nuk ia di emrin sa e hapa TV. Komedia është se “lum kush te rroje e ta shohe zonje…” i ka thene N. Frasheri dhe jo Vaso Pasha”, shkruan Matraxhiu, duke u dhënë detaje miqve të tij që e pyesin se kush ishte: “Nje brune e shendoshe e PD se e dha ne moment ulur tek merrte pergezime ne celular mesa duket”.