Lindi në ditën e Eklipsit, i vendosin emër të veçantë

Eklipsi i plotë i diellit që ndodhi më 21 gusht të këtij viti ishte një nga ngjarjet më të veçanta për Amerikën e Veriut. E veçantë por edhe më shumë se e veçantë kjo ditë ka qenë për një çift të ri të cilët u bënë prindër të një vajze ëngjëllore.

Nëna e vajzës, Liari parashikonte të lindte brenda datës 3 shtator dhe kishin menduar që emrin vajzës t’ia vendosnin Violet, mirëpo ardhja e saj në jetë pikërisht në një ditë të veçantë siç ishte dita kur ndodhi eklipsi i plotë i diellit, bëri që prindërit e saj të ndërronin plan.

Liar dhe dhe Michael Eubanks i vendosën vajzës së tyre emrin Eclipse Alizabeth Eubanks. “Mendoj se duhet të ndodhte, emri i saj ishte vendosur”, ka treguar ajo.” Spitali Greenville Memorial, ndërkohë, i ka dhuruar të sapolindurës një komplet paliçetash “total solar eclipse”.