Luan Rama: Historinë e kanë bërë partrizanët

 as të zvogëlojë dhe aq më pak, të mohojë rolin dhe kontributin  atyre”. Kështu u shpreh Sekretari i Përgjithshëm i Lëvizjes Socialiste për Integrim, Luan Rama, në aktivitetin e djeshëm përkujtimor të organizuar në nder të çlirimit të Tiranës. Pasi vlerësoi rolin dhe kontributin e partizanëve dhe të popullit në luftën kundër pushtuesve nazifashiste, ai tha se Shqipëria quhet antifashiste për shkak të luftës që bëri. Dhe sipas tij, luftën e bënë partizanët, nuk e bënë as ballistët, as zogistët, as bashibuzukët e tjerë,  të cilët edhe në kulmin e luftës dhe të sakrificave të popullit, bënin llogari pushteti. “Lufta Antifashiste Nacional- Çlirimtare është më e lavdishmja, sepse u kurorëzua me çlirimin e atdheut. U kurorëzua me lirinë e popullit që i hapi rrugën më pas zhvillimit të gjithanshëm të shoqërisë shqiptare për të mbërritur tek Shqipëria që ne kemi sot”, tha gjithashtu përfaqësuesi i LSI-së. Duke përfunduar me faktin se dje ishte një ditë vërtet e veçantë, ashtu siç është 70- vjetori i çlirimit një ditë e veçantë për Tiranën dhe për të gjithë Shqipërinë. Sepse sipas tij, ishte kurorëzimi i luftës më të lavdishme dhe më heroike që ka bërë populli shqiptar gjatë gjithë historisë së vet të mbushur me luftëra dhe me sakrifica.