Luani e sulmon gjatë një performance, vdes trajneri i cirkut
Pamjet shokuese kur një luan sulmon trajnerin e një cirku në Egjipt janë bërë virale në internet.
Trajneri Islam Shaheem, 35 vjeç , u filmua kur i jepte shenja një luani me një shkop, kur ndërkohë një tjetër luan e sulmoi gjatë një performance në Aleksandri.
Luani e sulmoi trajnerin duke iu turrur dhe kafshuar qafën e tij, ndërsa fëmijët të tmerruar filluan të bërtisnin.
Të tjerë trajnerë u sulën në përpjekje për të ndihmuar Shahhen, i cili shtrihej i pashpresë në tokë.
Kur muzika u fik në një moment, i vetmi zë që dëgjohej ishin britmat e turmës në panik që u larguan të tmerruar.
Shaheen u dërguar menjëherë në spitalin Salam por vdiq disa momente më vonë për shkak të plagëve të rënda.
Ai kishte punuar si trajner cirku për 10 vite, dhe një gjë e tillë nuk i kishte ndodhur kurrë më parë.