Luçiano Boçi homazhe për Gert Bogdanin: Do të jetë pjesë e kumtit politik të PD
![](https://kohajone.com/wp-content/uploads/2024/09/IMG_0713.jpeg)
Luçiano Boçi, ka shprehur sot ngushëllimet për familjen e të ndjerit Gerti Bogdani, i cili humbi jetën ditën e djeshme.
Në emër të grupit parlamentar të PD, Boçi tha se Gerti do të jetë pjesë e kumtit të PD si dhe shtoi se kjo ishte një nga rastet kur fjalët nuk e shprehin dot dhimbjen.
“Po i japim lamtumirën mikut e bashkëpunëtorit, mikut dhe shokut tim personal, Bogut siç e thërrisnim në konfidencë. Gerti ishte dëshmi si duhet të jetë një politikan, shembull si duhet të jetë një familjar, shembull se si një njeri duhet të ndërtojë karrierën e tij. Dhimbja jonë është shumë e madhe, nga rastet kur fjalën nuk e shprehin dot.
Gerti udhëton sot drejt parajsës, por kishte ndërtuar parajsën e tij në familje e shoqëri.
Ende nuk e besojmë dot ikjen e tij. Do të mbetet në kujtimet tona.
Lamtumirë Gert në emër të familjes sonë politike. Do të jetë pjesë e kumtit politik të PD”, u shpreh ai.