Lufta kundër pastrimit të parave, Ahmetaj: Shqipëria ka bërë hapa

Indeksi i Bazelit 2016 e renditi Shqipërinë në mesin e 10 vendeve në rang botëror që ka përmirësuar më së shumti luftën kundër pastrimit të parave dhe financimit të terrorizmit.

Shqipëria u rendit e 102-ta ndër 149 vendet që u morën në vëzhgim nga indeksi, çka do të thotë se sa me poshtë në renditje, aq më i ulët është rreziku i pastrimit të parave dhe financimit të terrorizmit.

Shqipëria në këtë indeks mori një pikëzim 5.04, duke përmirësuar pozicionin e saj edhe në krahasim me vitin 2015 ku u vlerësua me 5.56 pikë.

Në një postim në rrjetin social ”Facebook”, ministri i Financave Arben Ahmetaj vlerëson se Shqipëria ka bërë hapa të rëndësishëm para, në luftën kundër pastrimit të parave dhe financimit të terrorizmit. “Basel AML Index 2016, e rendit vendin tonë ndër 10 vendet që kanë shënuar përmirësimin më të madh në rang botëror”, shkruan Ahmetaj.

Shqipëria, Armenia, Bosnja dhe Kosta Rika kanë përmirësuar kornizën e tyre ligjore me standardet ndërkombëtare, të cilat kanë ndikuar edhe në renditjen më të mirë të këtyre vendeve.

Ky raport u publikua me rastin e fillimit të edicionit të pestë të Bazelit kundër pastrimit të parave pastrimit (AML). Organizata i ka renditur vendet në bazë të rrezikut të tyre për pastrimin e parave dhe financimin e terrorizmit.

Rezultatet e indeksit të AML Basel janë nxjerrë nga 14 treguesit që kanë përdorur burimeve të tilla si FATF, Transparency International, Banka Botërore dhe Forumi Ekonomik Botëror.

Indeksi i AML Basel synon të ofrojë një pasqyrë të përgjithshme të nivelit të rrezikut të vendit dhe për të shërbyer si një pikë të fortë fillestare për shqyrtimin e progresit me kalimin e kohës.