Lulaj nuk niset në fazën përgatitore me Skënderbeun, drejt huazimit te Laçi

Lajme E Mërkurë, 21 Korrik 2021 01:33

Bruno Lulaj shumë shpejtë mund të transferohet te skuadra e Laçit. Mbrojtësi i skuadrës së Skënderbeut është i dëmtuar prej disa javësh, dhe nuk është nisur me skuadrën në fazën përgatitore në Turqi. Lulajt do t’i duhet që të qëndrojë edhe disa kohë jashtë fushave të lojës, ndërkohë që mendohet se transferimi i tij te skuadra kurbinase është mëse e mundur.

Ai do të huazohet në pjesën e dytë të sezonit te ekipi i Laçit për të pasur mundësi për të luajtur. Kjo është në të mirë edhe të skuadrës korçare, teksa synon që ai të fitojë më shumë eksperiencë për ta pasur të gatshëm për sezonin e ardhshëm.

Ndërkaq në përgatitjet që do të zhvillojë Skënderbeu në Turqi, ka marrë me vete edhe Afrim Takun, i cili mesa duket ka zgjidhur problemet me dokumentet në Amerikë.

Lista e të grumbulluarve për fazën përgatitore

PORTIERË

Orges Shehi

Aldo Teqja

Mario Dajsinani

MBROJTËS

Kristi Vangjeli

Tefik Osmani

Gledi Mici

Marko Radas

Bajram Jashanica

Fidan Aliti