Manjani: Fitorja e Kavajës fund i “të fortëve”, ka ende shpresë

Fitorja e kandidatit demokrat, Isa Sakja në garën e bashkisë së Kavajës, është përshëndetur edhe nga ish-Ministri Ylli Manjani. Në një status në Twitter mbi rezultatin e zgjedhjeve të pjesshme, ku fituese doli PD-ja duke i siguruar Isa Sakjës një mandat dy vjeçar, për Manjanin është fitore e një kauze.

Ish-Ministri duke i uruar fitore Sakjës, shkruan se ajo që ndodhi në Kavajë, është tregues se është fillimi i fundit të “të fortëve” dhe parelinjve në politikë.

Në fund, Manjani e mbyll me shprehjen:” Ka ende shpresë”.

Statusi

Urime fituesit të Bashkisë Kavajë! Shpresoj që kjo fitore të jetë fillimi i fundit të “të fortëve”e parelinjve në politikë! Ka ende shpresë!