Mark Marku: Të presim rezultatin final. Më pas diskutojmë për Bashën

Ish-deputeti demokrat Mark Marku ka reaguar kundër deklaratës së fortë të ish-ministrit të PD, Besnik Mustafaj, që kërkoi dorëheqjen e Bashës pas rezultatit të zgjedhjeve deri tani.

I ftuar në studion e “News 24”, Marku sulmoi Mustafajn, duke thënë se një anëtar partie duhet të presë rezultatin deri në fund para se të dalë në deklarata të tilla.

“Deklarata e Mustafajt është e përshpejtuar se duhet të presë rezultatin e zgjedhjeve pastaj të kërkojë dorëheqje. Anëtarët e partisë duhet të presin rezultatin, ai nuk është analist.

Nuk mund të bëjë këtë deklaratë, pasi një figurë politike mund të presë dhe shpresojë deri në minutën e fundit se mund të përmbyset rezultati.

Duhet të jetë i prirur nga interesi i partisë së vet.

Dhe pastaj t’i kërkohen kreut të partisë të gjitha përgjegjësitë.

Në momentin kur janë ministra dhe deputetë partia është e mirë, në momentin kur nuk janë në poste dhe nëpër lista atëherë kryetari është i keq”- tha Marku.