Mediat spanjolle shkruajnë për “vdekjen” e tij, Maradona kërkon “kokën” e fajtorëve

Dy klipe-audio të dy mediave në gjuhën spanjolle kishin raportuar se Diego Armando Maradona, legjenda e futbollit argjentinas, kishte pësuar atak në zemër, do paditen nga avokati i tij: përfaqësuesi ligjor i ish-“Pibe de Oro” ka ofruar 300.000 pesos (rreth 10.600 dollarë) si shpërblim për të gjetur dy autorët e këtij lajmi (sipas tij të rremë) që njoftonin se legjenda argjentinase kishte ndërruar jetë…

NDIHMA MJEKËSORE
Maradona aktualisht ndodhet në Rusi për të ndjekur Botërorin dhe ka qenë në tribunë në të gjitha ndeshjet e “Seleccion”-it të Sampaolit, duke festuar si i çmendur fitoren dramatike të vendit të tij kundër Nigerisë, që bëri të mundur kalimin në fazën e 1/8-ve të Mesit me shokë.

Fituesi i Botërorit “Meksikë ’86” është parë teksa merrte ndihmën mjekësorë pas ndeshjes, deri në atë pikë sa ka pasur shumë frikë për shëndetin e tij, por dy mediat spanjolle kishin shkuar përtej kësaj, duke thënë që ish-numri 10 i bardhekaltërve ka pësuar shqetësim me pasoja fatale në zemër.

FJALËT E AVOKATIT
“Kam bërë një vendim publik dhe do të shpërblej më 300.000 pesos këdo që është në gjendje të japë informata të sakta lidhur me këtë lajm-audio. Gjithmonë në këto raste shumë pak mund të bëhet.

Por, punëtorët e studios sime më kanë thënë se janë konsultuar me ekspertë të teknologjisë dhe do ta gjejnë gazetarin që e shpërndau këtë lajm të rremë”, ka thënë avokati i Maradonës, Matias Morla, për “Infobae”. “Motra, vëllai, mbesa: të gjithë më telefonuan për të mësuar nëse isha mirë, – shtoi vetë Diego. – “Lajmet e këqija qarkullojnë më shpejt se të mira…”.

/panorama