Mes shugurimit dhe shukrizimit!

Nga Arian Galdini/”Shugurimi është përkushtimi solemn ndaj një qëllimi apo shërbimi të veçantë, zakonisht fetar. Fjala “shugurim” do të thotë “bashkim me ç’është e shenjtë”. (Radio Vatikani)

Shukrizimi eshte perkushtimi i poshter ndaj nje qellimi te mbrapshte, apo sherbimi te lige, zakonisht pushteteror. Fjala “shukrizim” do te thote “bashkimi me c’eshte e felligesht.(AG)

Prej  mbremjes se djeshme e gjithe shoqeria shqiptare po ngulcon nga habia, cudia, tersellima, mallkimet, ndeshkimi, denoncimi, distancimi prej shemtise qe u pa me ze e figure te ndodhte nga zyra e nje Kryetari Bashkie  deri ne dhemen e nje Hoteli ku Kryetari i Bashkise verifikonte talentet e nepuneses se tij, me breke te grisura neper kembe.

E kam thene e shkruar qindra here, se ne si shoqeri kemi nevoje, kaq shume nevoje per nje kamera, ze, figure, nje fytyre, nje emer, nje ngjarje qe ti biem mu ne balle te keqes, e te mos leme batute a shpoti pa molloisur e zografisur, per ti treguar vendin te ligut dhe ligngjarjes se rradhes.

Nuk e di pse ndodh keshtu. Ndoshta eshte normale ngado qe temperatura e shoqerive te jete me e larte kur kane nje emer e fytyre konkrete per te goditur me gure e mallkime.

Megjithate, mua nuk me pelqen ky vlim social vetem pas gradimit me fytyren, emrin a ligngjarjen e rrradhes. Gjithmone na duhet nje Sokol Mjacaj qe te shajme veten, na duhet nje edukatore qe keqtrajton e dhunon femijen jetim, na duhet nje Sekretar Deputeti qe i kerkon nenes vajzen 14 vjecare, na duhet nje Pango a Shukri, qe te vlojme deri ne perzhitje.

Nderkohe qe ne perditshmeri, te gjithe jetojme me te keqen duke e folur si normalitet. Te gjithe flasim sesi paguajme para per te siguruar sherbime ne zyrat e Shtetit, te gjithe flasim per shitblerjen e votes si nje gje e gjithepranuar, te gjithe flasim sesi po te behesh anetar i aksh partie gjen pune, etj, etj. Te gjithe flasin se po nuk dhe 5000 euro nuk behesh dot infermier, po nuk dhe 6000 euro nuk behesh dot mesues, po nuk dhe 7000 euro nuk fillon dot tek patentat, e keshtu me rradhe. Te gjithe flasin se Shefit po nuk i cove kuoten e fitimit, po nuk i bere dhurata e sherbime ekstrazyrtare nuk e ke te gjate mbijetesen ne vendin e punes. Te gjithe flasin se per nje femer,  eshte kaq e veshtire gjetja dhe mbajtja e vendit te punes. Ngado, ne zyra shteti dhe private, femra shqiptare eshte e pambrojtur. Nuk ka institucione shteterore qe e mbrojne, nuk ka ligje, prokurore, a gjykates qe e mbrojne, nuk ka sindikata qe e mbrojne. Ka vetem Cifligare zyrash shteterore qe e trysnojne dhe Pronare a Drejtues Private qe e keqtrajtojne.

Cdo dite flasim e flasim dhe deshmojme histori nga me te shpifurat, ndytat lidhur me ngacmimet seksuale qe ndodhin me institucione shteterore e private. Cdo dite.

Ne e dime sepse flasim vete parreshtur per deputete e politikane qe u premtojne xhesikave parajsen. A nuk e kemi mbushur ne cdo ekran e faqe gazete me xhesika, kallashe e gugu?

Ne e dime se pushteti ne Shqiperi, nuk eshte me sherbese per qytetaret, por sundim mbi ta. E flasim vete ne cdo kafene e qoshe. Ankohemi vete per kete ne cdo kafene, qoshe a blogje e facebook. Ne i dime keto gjera.

Ne e dime se pushteti si sundim bashkohet me lakmine per para dhe seks. Eshte natyralisht i tille cdo pushtet sundimtaresh qe ndihen si Cifligaret tane. Sundimtaret e Cifligaret na konsiderojne si bujkroberit e tyre. Prandaj na blejne votat, na shesin cdo sherbim shteteror, na shesin vendin e punes, e nuk e duket e tepert qe na kerkojne edhe vajzat per qejfin e tyre. Keta na kane shkelur me kembe, na plackisin, mashtrojne, poshterojne, na dhunojne, na cenojne edhe femrat tona. E ne e dime. Sepse vete e flasim dhe ankohemi plot zell cdo cep pallati, ne cdo lagje, fshat, kafene, blog apo status facebooku.

Nuk eshte Shukriu ai qe duhet te na cudise. Jemi ne vete qe duhet te cuditemi me kryeultesine tone. Ne ngreme koke vetem kur rastesia, ndodhite e dites apo sistemi i Cifligareve vendosin te na servirin nje emer e fyyre per ta peshtyre. Pra ne fakt ne nuk ngreme koke, thjesht keta qe na Sundojne, na ulin edhe me poshte kur na hedhin kembeve ndonje cofetine brekegrisur qe ne ta shkelmojme, e te dihemi te cliruar.

Ne te tilla dite, e ne te tilla vlime sociale per shkak skandelesh me emer e fytyre, une ndjej trishtim.

Sepse endrra ime eshte qe shoqeria shqiptare te bashkohet me te shenjten, te lartesohet, te ngreje krye e shohe lart.

E verteta eshte se dite te tilla, mua pervecse me zemerojne me cka na shohin syte me Cifligaret qe duan te puthin cica cupkash te reja, po aq zemerohem e deshperohem kur shoh qe ne, shfryjme 3 dite, e pastaj behemi kaceke te tjembushur per cdo dite. Behemi kaceke jo nga durimi, por nga kryeultesia. Nuk na clirojne nga e keqja keto shfrime 3 ditore. Nga e keqja na cliron perballja perditore me te keqen, duke mos e pranuar ate, duke u revoltuar, duke e refuzuar.

Perndryshe, neve do te na shukrizojne sa te kemi fryme Cifligaret, e kur te na hedhin kembeve ndonje cofetine brekegrisur, ta dime mire sd jemi ne në fakt qe jemi shpirtgrisur e mendjeprishur.