Mimoza Ahmeti paralajmëron largimin nga “Big Brother 8”

Opinionistja e “Bog Brother 8” Mimoza Ahmeti ka paralajmëruar se mund të braktisë pozicionin e saj në këtë shfaqje.

Shkak është bërë një foto dhe një video e shkurtuar që sipas Ahmetit është montazh.

Sipas Ahmetit kjo është një tentativë për të futur atë në sherr me Edisonin, banorin e BB.

Videoja është botuar në një faqe “Big Brother Albania 8” e cila është e gaztearit Olti Curri.

Mimoza Ahmeti ka shkruajtur në FB se është përpjekur të kontaktojë me drejtuesen e BB Zefina Hasani por kjo e fundit i ka fikur telefonin.

Ahmeti tha se një tjetër pikë që nuk i ka pëlqyer ka qenë edhe kontrata.

Asaj i janë ofruar 200 mijë lekë për puntatë ndërkohë që sipas saj opinionistët e tjerë kanë marrë më shumë para.

“Me 90 përqind të mundësive do të largohem”, ka thënë Ahmeti për GSH.