Miqësore luksi, Dunga triumfon me Brazilin në Francë

Miqësorja luksi mes Francës e Brazilit përfundoi në favor të ekipit të drejtuar nga Dunga, 1-3. Kombëtarja braziliane arriti të fitonte miqësoren zhvilluar në “Stade de France” në Paris ndaj Kombëtares franceze.  Pikërisht në atë stadium kur 17 vite më parë, Brazili mposhtej 3-0 nga Franca në finalen e Botërorit dhe Dunga ishte kapiten i “Selecao”-s në 98’, rikthehet si trajner dhe fiton miqësoren ndaj “gjelave”.  Të udhëhequr nga ylli i Barcelonës, Neymar, brazilianët arritën të përmbysnin golin e parë të vendasve, i cili u shënua nga Varane në minutën e 22-të. Mesfushori i Chelsea-s, Oscar ishte ai që barazoi shifrat që në pjesën e parë. Por në 45 minutat e dyta, brazilianët dominuan dhe arritën të shënojnë edhe dy gola, me Neymar dhe Gustavo, me të cilët vulosën rezultatin në 1-3, kur mbeten edhe 20 minuta nga fundi. Franca nuk mundi dot të shkurtonte diferencën, ndërsa Brazili pas eliminimit të turpshëm nga Kupa e Botës 2014, duket se e ka marrë veten  dhe është rikthyer si një ndërsa ekipet më të forta të momentit në botë.