Miqësoret me Francën e Kilin, Brazili rikthen Robinho e Coutinho

Brazili  rikthehet në fushë në fund të muajit Mars për dy ndeshjet miqësore ndaj Francës dhe Kilit. Selecao nën drejtimin e Carlo Dunga vijnë në këto dy përballje, pas 6 fitoreve radhazi, me synimin për të vijuar serinë e fitoreve. Trajneri 51-vjeçar Dunga ka bërë ditur listën e futbollistëve që do të përfaqësojnë Brazilin në këto dy sfida miqësore. Ndër emrat e 23 lojtarëve të përzgjedhur nuk mungojnë surprizat, si dhe rikthimet e bujshme. Rikthehet në kombëtare ish sulmuesin e Milan dhe Manchester Siti e Real Madrid, Robinho, i cili aktualisht është pjesë e skuadrës braziliane të Santos. Trajneri  i Selecaos ka shpërblyer për paraqitjet e shkëlqyera që ka zhvilluar me fanellën e Liverpoolit këtë sezon edhe Philipe Coutinho, i cili gjithashtu rikthehet në përfaqësuese.  Një rikthim i bujshëm është edhe ai i Marcelos që nuk luante një ndeshje me 5-herë kampionët e Botës pas kampionatit Botëror dhe është grumbulluar për herë të parë nga Dunga gjatë eksperiencës së tij të dytë në krye të Selecaos. Do të jenë pjesë e Brazilit për këto dy sfida edhe emra jo shumë të njohur si portieri i Gremios, Marcelo Grohe, mbrojtësi i Monacos Fabinho, mesfushori i Sao Paulos, Souza, i Corinthiasit, Elias,dhe Roberto Firmino, i cili luan në Gjermani me Hoffenheim, apo edhe Douglas Costa, i Shaktarit. Nuk diskutoheshin në listë lojtarë të tillë si David Luiz, Thiago Silva, Joao Miranda, Felipe Luis, Danilo, Luiz Gustavo, Fernandinho, Oscar, Neimar dhe Diego Tardelli. I përjashtuar nga lista e trajnerit Carlos Dunga mund të konsiderohet lojtari i Lazios Felipe Anderson. Edhe Alexandre Pato, ish-lojtar i Milan, shpresonte shumë te një rikthim në kombëtare, por ka mbetur gjithashtu jashtë në këto dy miqësore.