Mitingu i PS në Tiranë. Rama: Ja çfarë bëmë në 4 vjet

Partia Socialiste ka zhvilluar sot mitingun përmbyllës të fushatës elektorale në Tiranë. Kryeministri Edi Rama e ka nisur fjalën duke kënduar himnin kombëtar.

Rama bëri një krahasim mes asaj që ka ndodhur gjatë 4 viteve. Ai tha se PS-ja e mori qeverinë në kushte ekstreme ekonomike dhe me një nivel të lartë krimi. Ai tha se PS i dha fund kaosit dhe riktheu dinjitetin e shqiptarëve.

Në takim foli dhe ish-kryeministri Pandeli Majko. Ai tha se këto 4 vite ishin më të mira në gjithë historinë e vendit. Majko u shpreh se me Edi Ramën Shqipëria pati paqen sociale që nuk e pati gjatë 27 vjetëve. Majko tha se ngjyra mavi është ngjyra që bashkon, ngjyrën “blu me ngjyrën e kuqe”.