Moti sot, temperatura deri në 40 gradë

Sipas MeteoAlb, Shqipëria do të mbetet nën ndikimin e masave ajrore afrikane duke bërë që moti i kthjellët dhe i nxehtë të jetë dominant gjatë orëve të paradites, por pjesa e dytë e ditës do të sjellë vranësira të lehta në të gjithë zonën malore duke lënë zonat e ulëta dhe të gjithë vijën bregdetare nën dominimin e motit të kthjellët dhe të nxehtë.

Gjatë natës pritet që vranësirat të shtrihen në të gjithë vendin, por nuk priten reshje.  Temperaturat e ajrit do të ulen lehtë në mëngjes por mbeten konstante në mesditë duke luhatur vlerat ditore nga 20°C deri në 40°C.