Muaji i shenjtë i Ramazanit, Rama poston foton magjike nga Xhamia e Plumbit

Në kuadër të muajit të shenjtë të muajit të Ramazanit, kryeministri Edi Rama ka postuar foton magjike nga Xhamia e Plumbit në Shkodër, duke vënë në pah restaurimin e plotë të një prej monumenteve më të rralla dhe më përfaqësuese të trashëgimisë kulturore shqiptare. Kjo perlë e arkitekturës osmane e ndërtuar në vitet 1773-1774, konsiderohet xhamia më e madhe osmane në Shqipëri dhe mban statusin Monument Kulture i Kategorisë së Parë. Është e vetmja xhami në Shqipëri me stil tipik osman që përfshin një oborr të brendshëm me kolona (portik).