Naftëtarët e Ballshit, protestë para Parlamentit: Duam bukë
Punonjësit e Uzinës së Naftës në Ballsh, kanë udhëtuar sot drejt Tiranës për të protestuar para Parlamentit.
Me një pankartë të madhe ku shkruhej “Korrupsion” ata protestuan për pagat e prapambetura dhe për rivënien e uzinës në punë.
“Dua jetë dhe dinjitet. Dua bukë e dua të drejtë. Ne prodhojmë gjithë pasurinë, nuk durojmë dot varfërinë”, thërrisnin në kor protestuesit.
Naftëtarët e Ballshit thonë se prej qershorit 2015, gjendja ekonomike e familjeve të tyre është rënduar së tepërmi pasi nuk kanë marrë pagat.