Ndërmarrjet e vogla dhe të mesme, përfundon aplikimi për fondet e 2017

Përfundon aplikimi për fondet e vitit 2017.  Agjencia Shqiptare e Zhvillimit të Investimeve, në një njoftim të publikuar në rrjetin social “Facebook”, bën të ditur për të gjitha ndërmarrjet e vogla dhe të mesme se më datë 1 nëntor 2017 ka përfunduar afati i aplikimet për fondet e menaxhuara nga AIDA.

“Agjencia Shqiptare e Zhvillimit të Investimeve në mbështetje të NVM-ve Shqiptare me qëllim rritjen e konkurrueshmërisë së tyre, formimin e kapaciteteve prodhuese, dhe daljen e tyre në treg, menaxhoi për vitin 2017 këto skema financiare nga buxheti i shtetit: Fondi Shqiptar i Konkurrueshmërisë, Fondin e Inovacionit , Fondin e Ekonomisë Kreative (Artizanatit), Fondin Start – up, Fondin për SME-të në zonat turistike/historike”, thuhet në njoftim.

Këto fonde do të vihen përsëri në dispozicion të ndërmarrjeve e vogla dhe të mesme në fillim të vitit 2018.