Në Sarandë, vendoset shtatorja e Hillary Clintonit

Në qytetin e Sarandës po ngritet një shtatore e ish-sekretares amerikane të shtetit, Hillary Clinton, për të shënuar kontributin e saj për Shqipërinë në arenën ndërkombëtare.

Zëdhënësi i bashkisë së Sarandës, Thoma Nika, tha se dje këshilli i qytetit ka vendosur unanimisht që të vendoset një skulpturë e zonjës Clinton në bulevardin kryesor përgjatë bregdetit, për “dimensionin si grua në politikë, si përfaqësuese e miqësisë Shqipëri-SHBA dhe për kontributin e saj për kombin shqiptar në momente të ndryshme historike”.

Shtatorja tashmë është punuar nga skulptori, Idriz Balani, raporton ‘AP’ nga Tirana.

Zëdhënësi Nika ka insistuar se vendimi për këtë shtatore nuk është i ndërlidhur me procesin e zgjedhjeve presidenciale në Shtetet e Bashkuara, ku zonja Clinton është favorite për të marrë nominimin e Partisë Demokratike për zgjedhjet presidenciale në Shtetet e Bashkuara.